Deputetja e Partisë së Lirisë, Monika Kryemadhi, i quan të rreme lajmet nga dokumentet e publikuara nga “Top Channel” në të cilat pretendohet për financime nga oligarkë rusë. Po ashtu ajo tha se e ka paditur televizionin në fjalë dhe kërkon 400 mijë euro dëmshpërblim. Sipas tij janë publikuar dokumente të falsifikuara me qëllim mashtrimin e opinionit publik.
“Do të denoncoj Top Channel pas ka publikuar dokumente të falsifikuar, edhe duke bërë shantazh dhe duke mashtruar opinion publik. Kam kërkuar edhe një dëmshpërblim financiar dhe këtë shumë do të shkojnë për të rinjtë dhe të reja. Kam kërkuar 400 mijë euro por kjo shumë mund të shtohet nëqse shoqërua do vazhdojë të të shpifë ndaj personit tim”, tha Kryemadhi për mediat para Gjykatës Civile në Tiranë.
Partia Socialiste, përfshirë edhe Kryeministrin Rama, ka kërkuar me insitim që drejtësia të nisë hetimin ndaj deputetes Monika Kryemadhit pasi lajmeve se është përfshirë në financime dhe pagesa të dyshimta nga kompani offshore të kontrolluara nga biznesmenë rusë të naftës.
