Kryetarja e LSI-së Monika Kryemadhi është takuar këtë mëngjes me gratë e qytetit të Elbasanit ku ka folur për progrmain e LSI-së dhe mbështetjen financiar për bebet e porsalindura.
“Ajo që dua të theksoj dhe që është shumë e rëndësishme është programi ynë ‘Nga bebja në bebe’, ajo që themi ne ngurtësimi i fondit për bebet, që do të kenë mundësi që ata vetë ta tërheqin pas 25 viteve, ose pas 30 viteve kur ata të bëhen me fëmijë, nuk është depozitë bankare”, tha ajo.
Gjithashtu për Kryemadhin, prioritet është edhe fuqizimi ekonomik i gruas. “Një ndër prioritetet tona është fuqizimi ekonomik i gruas, që për ne ka një rëndësi shumë të madhe, sepse një grua e fortë ekonomikisht përveç e bën më të pavarur, përveç se e bën edhe të barabartë në shoqëri, i jep edhe forcë themelit të familjes, sepse për ne grua e tillë është, themeli i një familjeje dhe si e tillë është e domosdoshme në përgatitjen e brezave të rinj.
Ne kemi disa pika shumë të rëndësishme për fuqizimin ekomomik të gruas, jo vetëm në aspektin e biznesit, por edhe në vendimmarrje, në përfshirjen e tyre në politikë. Ne duam ti japim ti japim forcë gruas jo thjesht për fasadë apo për ta përdorur si numër, por për ti dhënë forcë vërtet asaj dhe në fakt LSI e ka treguar këtë gjë, duke pasur parasysh se edhe mua si grua, më kanë votuar si kryetare partie, ma kanë dhënë shansin që unë të vazhdoj dhe të mbështes të gjitha gratë dhe vajzat e tjera për tu dhënë atyre më shumë mundësi”, tha ajo.