Kryetarja e LSI-së Monika Kryemadhi po zhvillon një takim me strukturat e LRI-së, në njesinë Nr2. Gjatë fjalës së saj, Kryemadhi theksoi se puna e LSI-së është të jetë gjithmonë në kontakt me njerëzit.
Kryemadhi u shpreh se shteti shqiptar është kalbëzuar dhe se 94 % e shqiptarëve mendojnë se vendi është më i varfër nga ç’ka qenë, po ashtu ajo shtoi se opozita nuk do të ndalet dhe se puna e tyre tashmë është me njerëzit.
“Kjo është si puna e sezoneve të provimeve. Puna e LSI-së do të jetë në kontakt me njerëzit, është diagnostikuar e keqja e shqiptarëve dhe duhet vetëm ilaçi i duhur që shkatërron krimin.
Ne kurrë nuk do të bëjmë marrëveshje me individë, por shtet me shtet. Asnjë qeveri e BE-së nuk përkrah qeverinë e Ramës, apo reformat e dështuara. Prandaj mos u surprizoni nga deklaratat që vijnë për të marrë qokën e fundit në Shqipëri. Votat e LSI-së janë të lidhura me miqësinë dhe solidaritetin. Zgjedhjet do të jenë në fund të majit. Zgjedhjet parlamentare do të jenë të parakohshme, pasi do të jenë socialistët që do ta vendosin në cep Ramën pastaj e gjithë shoqërinë shqiptare” tha ajo.