Në 30 qershor do të mblidhet Këshilli i Legjislacionit, për të futur në procedurë kërkesën e opozitës parlamentare për ndryshim të sistemit dhe për heqjen e koalicioneve parazgjdheore.
Po të analizosh votat në çdo qark në zgjedhjet e 2017-ës por edhe në çdo proces zgjedhor për pushtetin qëndror, qartë duket se kjo i intereson socialistëve.
Projeksioni i votave në tre qarqet me më shumë mandate:
Elbasan
Në total në këtë qark PD-LSI-PDIU, kanë marrë 86 mijë vota të cilat kanë prodhuar vetëm 7 mandate, aq sa ka arritur të prodhojë PS me 73 mijë vota në të gjithë qarkun duke qenë më vete. Pra, me 13 mijë vota më pak, rezultati ka dalë i barabartë. Në rast se do ishin në koalicion do prodhoheshin 8 mandate duke nxjerrë një rezultat të përgjithshëm 8-6 në favor të opozitës.
TIRANA
Në total në këtë qark PD-LSI-PDIU kanë marrë 139 mijë vota të cilat kanë prodhuar vetëm 15 mandate. Partia Socialiste me 200 mijë vota në të gjithë qarkun mori 18 deputetë. Në rast se opozita e bashkuar do të ishte në koalicion, do të garohej për mandatin e 17-të duke rrezikuar t’i hiqte vetëm në këtë qark Partisë Socialiste, dy vende në Kuvend.
FIER
Mandatet në qarkun e Fierit u ndanë 10 me 6. Por në këtë qark PDIU që garoi e vetme mori 6,348 vota të cilat i shkuan dëm. Një koalicioni opozitar i duheshin jo më shumë se rreth 4 mijë vota për të prodhuar mandatin e pestë, që do i zbriste një mandat PS-së duke e çuar rezultatin final në 9-7.
Në rast të një kolicionit të zgjeruar të Partisë Demokratike, rezultati do të kishte lëvizur të paktën në 10 qarqe.
Në analizë të këtyre të dhënave gjendet arsyeja pse Partia Socialiste mbështet heqjen e kolicioneve parazgjedhore.