Të pakta janë ngjarjet pozitive në këtë fundjavë startuese për disa lojtarë, mes tyre mund të vijojë golin e Myrto Uzunit në kampionatin amerikan. Armando Broja për të dytën ndeshje qëndroi në stol tek skuadra e tij Bërneli në fitoren 2-0 ndaj Sunderlandit.
Në një situatë edhe më pak të këndshme ndodhet Nedim Bajrami. Mesfushori i Kombëtares shqiptare ka parë trajnerin Rasëll Martin, që të marrë tjetër vendim drastik te Rejnxhërs. Trajneri i klubit skocez nuk e ka përfshirë Bajramin në ndeshjen e kampionatit, që Rejnxhërs zhvilloi ndaj St. Mirren.
Kjo është hera e dytë radhazi, që Bajrami nuk ndodhet në skuadër. Po ashtu edhe Ernest Muçi vazhdon të jetë kryefjalë në merkaton e Beshiktashit. Vazhdimisht zërat për të ardhmen e tij nga Turqia kanë ndryshuar.
Mungesa e tij ndaj Luzanës në transfertën e Ligës së Konferencës, ka bërë që të nisin sërish aludimet. Dhe pse version zyrtar për mungesën e tij ishte për shkak dëmtimi, në Turqi raportojnë se për Muçin ka sërish interes nga jashtë vendit.