Ditën e sotme i ftuar në ‘Ftesë në 5’ në Top Channel ishte regjizori i emisionit ‘Dua të të bëj të lumtur’, Eduart Grishaj. Ai ishte i pranishëm në studio së bashku me disa personazhe të tjerë për të folur për puthjet dhe skenat intime në filma.
Teksa ka dhënë mendimin e tij për këtë temë ai është ndalur dhe te pjesa e koronavirusit, e cila ka sjellur dhe shume dëme ekonomike. Këto dëme sipas tij kanë bërë që të ketë mungesë të lekëve e të dashurisë.
”Unë mendoj se të gjithë ne që bëjmë një punë, e para një gjë shumë e madhe është dashuria që kemi për ta bërë, pastaj vijnë edhe lekët, por në moment që na ka ik dashuria ikën dhe lekët dhe…Tani do shohim ca do bëhet, gruja, fmijët të gjitha. Po ikën këto të dyja,…se bashkë shkojnë si vagon’‘ – është shprehur Eduarti.