Këtë mëngjes kryeministri Edi Rama bëri të ditur se është ndarë nga jeta në moshën 82-vjeçare nëna e tij, Aneta.
Aneta Rama ka qenë ndër femrat e para stomatologe në Shqipëri, e cila dy vite më parë mori dhe çmimin “Nderi i stomatologjisë shqiptare”, çmim që e tërhoqi vetë kryeministri Rama në ceremoninë e zhvilluar në Vlorë për shkak të gjendjes shëndetësore të nënës së tij. Çmimi u dha me rastin e 100-vjetorit të Shërbimit Stomatologjik në vend.
Ajo është bashkëshortja e Kristaq Ramës një prej skulptorëve më në zë të vendit, dhe nënë e dy fëmijëve, kryeministrit Edi Rama dhe Olsi Rama, drejtor i klubit të futbollit Partizani.