Ish-konkurrentja e “Për’puthen”, Antonela Berisha dhe ish-banori i “Big Brother 7”, Meridian Ramçaj, janë zyrtarisht dy banorët e rinj që iu bashkuan “Big Brother VIP” mbrëmë.
Në fillim ata u bënë pjesë e studios për të komentuar së bashku me Balina Bodinakun dhe Arbër Hajdarin, ngjarjet që kanë ndodhur javët e fundit në shtëpinë më të famshme në Shqipëri. Prandaj, askush nuk e priste që ata t’i bashkoheshin këtij formati si dy konkurrentë të rinj.
Por në fund të spektaklit, moderatorja Arbana Osmani, zbuloi se Antonela dhe Meridiani nuk kanë ardhur vetëm për rolin e opinionistit, por për të qenë çdo ditë në sytë e publikut.
Ndërkohë, i eliminuari i mbrëmjes së djeshme ishte Kledi Hysa. Pasi u surprizua nga e motra, e cila hyri në shtëpi për t’i dhënë disa këshilla në lidhje me ngjarjet e fundit, Arbana zbuloi se publiku vendosi që kësaj radhe të ishte ai personi që heq dorë përfundimisht nga çmimi i madh prej 100 mijë eurosh.
Të nominuarat e kësaj jave janë tre banore: Einxhel, Beniada dhe Beatrix.