Në një debat me analistët, Berisha i’u përgjigj pyetjeve për shumë çështje. Që në nisje të intervistës, ai u ndal te Kuvendi i 30 prillit si dhe te rikthimi i tij i tretë në PD.
Çfarë që prodhoi Kuvendi i 30 prillit, bashkim apo përçarje?
“Ky është një proçes unik në llojin e tij që zhvillohet në narko-shtet. Nëse rikthehemi nga shtatori deri sot, çfarë do shihni ju në këtë përballje ka një përballje mes legjitimes dhe jo legjitimes. Midis bashkimit dhe përçarjes. Midis demokratikes dhe autokratikës. Kjo është e vërteta e pamohueshme. Pse është mes jolegjitimes dhe legjitimes?! Ky proçes nisi kur kryetari i PD nën presionin e tmerrshëm të ambasadores së SHBA-ve mori një vendim të pabazuar në asnjë ligj të PD në asnjë forum të PDF, në asnjë ligj të Shqipërisë, për përjashtimin tim nga grupi parlamentar në një kohë kur ai nuk kishte kompetencë. Për vendosjen e kësaj kompetencë u përdorën firmat e ¼ të delegatëve dhe u mblodh një Kuvend në dhjetor që miratoi një status të ri që e nxjerr partinë nga mundësi të tilla. Në atë kuvend PD erdhi pas një votimi të çertifikuar të lirë, të rreth 40 mijë anëtarëve të saj. Të garantojë se në historinë e saj s’ka pasur të tillë. Në këtë kontekst, unë nuk ju premtova asgjë më shumë demokratëve, se sa rikthimin e votës së lirë”- tha Berisha.
Synimi juaj ishte bashkimi?
“Bashkimi me votën e lirë. E kam thënë dhe e kam përsëritur, bashkimi rreth votës së lirë. Ai që pranon votën e lirë, është i mirëpritur dhe s’ka asnjë lloj intimidimi” – u shpreh Berisha.