Deputetët e Kuvendit do të mblidhen nesër pasdite për sesionin e pestë të Parlamentit.
Sipas njoftimit të bërë publik të premten nga kreu i Kuvendit, Gramoz Ruçi, sesioni nis “të hënën më 2 shtator, në orën 18.00”.
Sipas rendit të ditës të publikuar nga Kuvendi, seanca e parë e këtij sesioni do të nisë me programin e punës së Kuvendit për periudhën 2 shtator-18 tetor dhe kalendarin tre javor të punimeve.
Shtatori pritet të jetë një muaj i nxehtë politik, ku opozita ka paralajmëruar se do të rikthehet me protesta të fuqishme. Ky eshte rendi i dites.
