Ndeshja e pestë, 2 humbje dhe tre barazime për Laçin. Nga pretendenti kryesor për të rivalizuar Tiranën për titull në një krizë të thellë.
Kurbinasit u dorëzuan përballë Teutës në shtëpi me durrsakët që fituan 1-0, sukses tejet i rëndësishëm për ta për të larguar frikën e rënies.
Ishte skuadra e Arapit në fakt më kërkuese në fillim të ndeshjes, me Laçin që përpiqej të dilte në kundërsulm teksa në 39’, Shehu tronditi traversën për vendasit.
Edhe pjesa e dytë nisi me disa raste për kurbinasit me Ujkën dhe Mazrekaj të cilët nuk u treguan të saktë.
Teuta përfiton në 73’ në një goditje dënimi ku pas rikthimit të topit nga portieri Dajsinani, Hebaj nuk fal përballë pothuajse me portën bosh.
Laçi hidhet përpara dhe me Deliun dhe Spahiun i afrohen golit por nuk ishte dita e tyre. Me fat dhe me karakter, Teuta merr 3 pikë të rënda në Laç duke u larguar nga zona e ftohtë për momentin.