LAJM I FUNDIT/ Ikën Sandër Lleshaj, Rama: Më ka dorëzuar dorëheqjen

Ministri Sandër Lleshaj i ka dorëzuar dorëheqjen kryeministrit Edi Rama. Ishte ky i fundit, që në reagimin e tij të parë bëri me dije këtë lajm, teksa fliste për Klodian Rashën, të riun që u vra nga efektivi i polciisë, duke konfirmuar kështu edhe lajmin e bërë publik. “Sot iu them të gjithë efektivëve: Ndjehuni krenarë për uniformën, sakrificën. Rasti është përjashtim tragjik që përjashton rregullin se Policia është mbrojtëse. Menjëherë pas ngjarjes ministri i Brendshëm më ka vënë në dispozicion dorëheqjen,”- tha Rama ndër të tjera.