Amir Rrahmani nuk po kalon një fillim sezoni mjaft të mirë në aspektin personal. Kapiteni i përfaqësueses së Kosovës, po vuan shumë një situatë dëmtimesh që nuk e kanë lënë të shfaqë plotësisht potencialin e tij.
Pasi mungoi në ndeshjen e fundit në kampionatin italian për shkak dëmtimi, futbollisti ishte kthyer sot përsëri në fushë në sfidën e Ligës së Kampioneve që Napoli i tij luante ndaj Bragës. Por ai qëndroi vetëm pak minuta në fushë.
Futbollisti kishte përsëri probleme muskulore dhe kërkoi zëvendësim nga pankina, duke dalë nga fusha e lojës kur regjistrohej minuta e 13 e sfidës. Një telash për Napolin por dhe për përfaqësuesen e Kosovës e cila për shkak të këtyre problemeve rrezikon të mos ketë në maksimum kapitenin për ndeshjet e tetorit.