Një aksident i rëndë automobilistik u regjistrua pak minuta më parë në fshatin Arras të Dibrës. Një mjet doli nga rruga dhe shkaktoi vdekjen e një pasagjeri 34-vjeçar. Efektivë të Policisë Peshkopi kanë mbërritur në vendin e ngjarjes dhe kanë nisur hetimet për zbardhjen e aksidentit.
Njoftimi i Policisë:
Në aksin rrugor rural Kastriot—Arras, shtetasi L. Gj, 26 vjeç, banues në fshatin Arras, duke drejtuar automjetin tip ‘Opel’, ka humbur kontrollin dhe ka dalë nga rruga, ku si pasojë ka humbur jetën në spital pasagjeri M. B., rreth 34 vjeç, si dhe kanë mbetur të lënduar drejtuesi i mjetit dhe dy pasagjerë të tjerë të cilët po marrin ndihmë mjekësore në spital. Grupi hetimor ndodhet në vendngjarje dhe vijon punën për zbardhjen e shkaqeve të aksidentit.