Pak më parë Administratori i Futboll Klub Burreli, Bajram Ballabani, pasi është konsultuar me Presidentin e këtij klubi, kryebashkiakun Agron Malaj, është dakortësuar që për sezonin futbollistik 2020-2021 ekipin ta drejtojë trajneri i njohur Samuel Nikaj, një specialist dhe drejtues i suksesshëm në disa klube futbolli në Shqipëri dhe Kosovë.
Nikaj ka drejtuar skuadrat e Adës, Vllaznisë, Mamurrasit, Tërbunit, Besëlidhjes dhe Kastriotit në vendin tonë dhe ato të Flamurtarit të Prishtinës, Vushtrinë dhe Liria të Kosovës.
Madje ai ka patur fatin që të drejtojë tri ekipe që kanë fituar titullin kampion, siç janë Flamurtari i Prishtinës, Kastrioti dhe Vushtria.
Në postimin e parë pas firmosjes së kontratës Nikaj shkruan: “Jam krenar që do drejtoj një nga ekipet që kam më për zemër, shpresoj të përmbush pritshmëritë e drejtuesve, dhe t’i kthej entuziazmin tifozerisë së zjarrtë matiane.”