Kapiteni i Interit, Lautaro Martinez, foli me besim dhe përgjegjësi para finales së madhe të Ligës së Kampionëve kundër Paris Saint-Germain, duke theksuar rëndësinë e unitetit dhe përkushtimit të skuadrës.
“Të qenit kapiten më jep më shumë përgjegjësi, por gjithmonë them se çdo ndeshje duhet të trajtohet si finale. Vetëm si ekip mund ta fitojmë trofeun,” u shpreh Martinez.
Ai theksoi gjithashtu progresin e skuadrës gjatë sezonit, duke theksuar përballjet e vështira dhe sukseset kundër rivalëve të fortë.
“Ne jemi përmirësuar si ekip, duke u përballur me kundërshtarë të fortë në ambiente shumë sfiduese. Kemi mposhtur ekipe që kishin seri të gjata pozitive, dhe kjo na ka forcuar,” shtoi ai.
Kapiteni i zikaltërve i mbylli komentet me një mesazh optimizmi: “Gjithçka që duhet të bëjmë tani është të mendojmë pozitivisht dhe të japim maksimumin.”