Rënia drastike e numrit të të prekurve me COVID-19 në vend, çka u shoqërua me masa lehtësuese antikovid, si hapja e bareve dhe restoranteve apo zgjerimi i fashës orare të lëvizjes çuan në rritjen e konsumit të kafesë në vend.
Shifrat tregojnë se importi i kafesë për 5 muajt e parë të vitit u rrit me rreth 280 tonë.
Sipas statistikave fiskale të publikuara nga Drejtoria e Përgjithshme e Doganave, importi i kafes gjatë 5 muajve të parë të këtij viti u rrit, krahasuar me të njëjtën periudhë të një viti më parë. Gjatë 5-mujorit të parë të vitit 2021 u importuan 3006 tonë kafe.
Krahasuar me 5-mujorin e vitit 2021, gjatë periudhës janar-maj të këtij viti u importuan gati 280 tonë kafe më shumë. Në 5-mujorin e vitit 2020 u importuan 2771 tonë kafe.
