E dini se cili është lojtari që Leo Messi ka patur frikë në karrierën e tij? Ndoshta thjesht në fillim, ama realisht nuk e shihte dot në sy. Nuk është Cristiano Ronaldo, as Maradona apo Ronaldinho, por Thiery Henry.
Së fundmi sulmuesi i Barcelonës ka thënë se është shtangur, kur ka parë francezin pranë tij. “Kur Henry erdhi për herë të parë në dhomat e zhveshjes, nuk kisha guxim që ta shihja në sy. Shtanga, pasi e dija se çfarë kishte bërë në Angli. Kisha admirim për të”.
Messi dhe Henry kanë luajtur së bashku te Barcelona. Argjentinasi shkëlqeu që në fillim në “Camp Nou”, ndërsa francezi nuk dha atë që pritej me katalanasit.