Kryeministri Albin Kurti, duke folur për liberalizimin e vizave për Kosovën dhe mundësinë që kërkesa të shqyrtohet më 23 qershor, deklaroi me bindje se vendi ka plotësuar 95 kriteret e përcaktuara për vizat.
Sa i takon datës, ai tha se nuk është diçka që varet nga qeveria, por nga shtetet e BE-së.
“Ne moti i kemi plotësuar 95 kriteret që është më shumë sesa dyfishi i kritereve për vendet e rajonit. Gjithmonë është theksuar problemi me imazhin e Kosovës e tash gjatë këtij më shumë se një viti kemi punuar shumë dhe organizatat ndërkombëtare kanë thënë se imazhi i Kosovës s’është i para dy vjetëve. Unë s’mund të flas për data se kur mund të ndodhë liberalizimi ne po i bëjmë detyrat e shtëpisë dhe po e bëjmë më të mirën por s’mund të flasim në emër të shteteve të BE-së”, tha Kurti.