Në një kohë që në Shqipëri po diskutohet nëse duhet ligjëruar kultivimi i kanabisit mjekësor, disa shtete kanë shkuar më tej tek liberalizimi i shitjes së drogërave të tjera.
Por duket se jo gjithçka ka shkuar sipas planit. Rrugët e qytetit amerikan të Portlandit janë mbushur me njerëz të droguar pasi autoritetet vendosën të legalizonin përdorimin e drogave të forta, duke çuar në një rritje të ndjeshme të vdekjeve nga mbidoza.
Policia thotë se rrugët janë mbushur me të pastrehë që shesin e blejnë drogë hapur, ndërsa përdoruesit e narkotikëve vijojnë të rriten ndjeshëm, raporton Fox Neës.
Fotot e publikuara në internet shpalosin situatën tejet të rëndë në qytetin e shtetit të Oregonit. Që nga vitit 2021, vdekjet nga mbidoza janë rritur me 41 përqind.
Këto skena vijnë 16 muaj pas votimit për dekriminalizimin e drogave të forta në shtetin e drejtuar nga demokratët. Oregoni ishte shteti i parë në Amerikë që dekriminalizoi posedimin e sasive të heroinës, metamfetaminës, LSD-së, oksikodonit dhe drogave të tjera për përdorim personal. A mjaftojnë këto foto për të na bërë të reflektojmë?
