Gjykata e Kurbinit ka lënë në burg Shkëlqim Isufin i cili akuzohet se ka përdhunuar vajzën e tij prej 3 vitesh. Seanca në ngarkim të tij u zhvillua me dyer të mbyllura, ndërsa ra në sy mungesa e familjarëve.
Fiks Fare” solli mbrëmjen e së martës një ngjarje tronditëse. Një inçest brenda familjes. Një baba që abuzon sistematikisht me vajzën e tij për 3 vite me radhë e për të mos mjaftuar vetëm kjo, babai e dhunonte të bijën që ajo të mos tregonte. Vajza është dhunuar nga i ati që në moshën 15 vjeçare dhe vetëm pas tre vitesh morri kurajën ta denonconte atë. Fiks Fare në investigimin e tij rrëfen për situata që kalojne çdo kufi shoqëror.
Gjithçka sipas vajzës kishte filluar në Gjermani ku ajo së bashku me familjen e saj kishin shkuar si azilantë. Ajo ishte vetëm 15 vjeçe dhe atje ishte njohur me një djalë, lidhja ishte marrë vesh edhe nga familjarët dhe një ditë i ati e kishte ftuar të dilnin të dy bashkë në shëtitje.
“Më çoi afër një liqeni, aty më tha ne do bëjmë të dy të njëjtat gjëra që ti ke bërë me atë djalin. Nëse do më kundërvihesh dhe do tregosh për çfarë do të ndodh këtu unë do të mbys në liqen” tregon 18 vjeçarja. I ati vazhdonte ta bënte këtë gjë”- tha vajza e dhunuar.
Vajza kishte bërë denoncim më parë në polici, por një shok i të atit polic e kishte njoftuar atë më parë dhe me anë të dhunës ajo e kishte tërhequr kallëzimin.
Përveç përdhunimit nga i ati, vajzës i duhet të përballet edhe me mohimin e së ëmës.
Por këtë rradhë policia bëri arrestimin nën akuzën e dhunës seksuale. Pavarësisht se në Fiks Fare nuk u tha asnjëherë se ku jetonte familja, policia e Kurbinit bëri të ditur në mbrëmje se kishte arrestuar shtetasin me inicialet SH.I, 48 vjeçar banues në Kurbin.
Policia që njohu rastin nga emisioni investigativ Fiks Fare thotë se arrestimi i 48 vjeçarit u bë pasi dyshohet të ketë konsumuar veprën penale të “Marrëdhënie seksuale ose homoseksuale me persona në gjini ose nën kujdestari”, parashikuar nga neni 106 i Kodit Penal.