Lojërat Olimpike, përveç kënaqësisë që të ofron sporti, mbartin në vetvete mjaft gjëra interesante. Në fakt, në mënyrë zyrtare, 3 janë flamujt që nuk lejohen të valëviten në Paris.
Organizatorët janë treguar të prerë që në fillim, teksa kanë bërë me dije se flamujt e vendeve si Rusia, Bjellorusia dhe Tajvani nuk lejohen. Sportistët rus dhe bjellorus nuk mund të garojnë me simbolet përkatëse, për shkak të impenjimit në luftën ndaj Ukrainës. Kështu, ata do të mbajnë diçka që shkruhet “AIN”, që do të thotë Athletes Individuals Neutres, ose shqip Atletët Neutral Individual. Për Tajvanin, shpjegimi është i qartë, në Lojërat Olimpike mund të përdoren vetëm flamujt zyrtarë të rajoneve ose vendeve pjesëmarrëse në eveniment.