Bashkëpunimi i Fifit me Ermal Fejzullahun pritet të publikohet sot dhe do të ketë titullin “Përjetësi”, teksa të dy këngëtarët na kanë treguar se si do të shfaqen në videoklip.
Vetë Fifi ka publikuar foto ku shihet e veshur me një xhaketë të zezë dhe çizme duke vënë në pah linjat e saj. këngëtarja ka marrë qindra komplimente për “look”-n e saj, por ndërkohë ne na rrëmbeu vëmendjen diçka tjetër.
Së fundmi, Fifi ka postuar në Instastory një foto të saj me një tufë trëndafilash të kuq, të cilët duket se i ka marrë dhuratë nga dikush. “Ndihem speciale”, ka shkruar këngëtarja pa e treguar se nga kush e ka marrë tufën me lule. Zakonisht trëndafilat e kuq simbolizojnë dashurinë e romancën, ndaj dhurohen nga të dashurit e zemrës.
Fifi ka treguar para pak kohësh se ajo është e dashuruar, por personi që ajo do jeton larg Shqipërisë. Nuk e dimë nëse lulet i ka marrë si dhuratë prej tij, por lumturia që lexohet qartë tek këngëtarja na bën të dyshojmë se ai mund të jetë personi që fshihet pas trëndafilave. Këngëtarja ka treguar se të dashurinë saj nuk dëshiron ta bëjë publik dhe prandaj nuk flet shpeshherë në media për lidhjen me të.
