Pasi mbylli punatën e fundit të Voice Of Albania Kids, Ledionin, nuk dimë për ç’arsye, nuk e pamë më në ekran. Dhe jo veç aty. As vërdallë, nëpër rrjet. Faqja e tij e Instagramit (të cilën Lori ka thënë se ia ka hapur ajo), vazhdon të jetë e zbrazët. I shfaqur veç pak herë në fotot që poston Sara, vendimi i Ledionit për t’u zhdukur (shpresojmë jo përgjithmonë) duket shumë i prerë. Por sot Lori e ka rikthyer. Jo në ekran, jo si prezantues, aq më pak si kunatin e saj në ndonjë festë familjare, por si bashkëpunëtor për lançimin e linjës së saj sportive Lori Hoxha x Cohl’s.
Në rolin e producentit, Ledioni ndodhet pas kamerave, në zonën e xhirimit, por në këtë video të Lorit është gjithashtu protagonist, veshur edhe ai me tuta, me flokë të errët, të gjatë. Në rreshtat që ka shkruar për stafin me të cilin ka bashkëpunuar për këtë projekt, ajo e falënderon që ia përkrah ëndrrat, ata që pëlqejnë Ledionin me siguri do falënderojnë Lorin që e riktheu, ndonëse për minuta, pas kamerave, me tuta e atlete, sërish larg kostumit të moderatorit.