Kreu i grupit parlamentar të LSI, Petrit Vasili, në një konferencë për shtyp nga selia e kësaj partie ka ngritur akuza të rënda ndaj kryeministrit Edi Rama, në lidhje me çështjen e ABI Bank dhe monitorimit të saj Shtetet e Bashkuara të Amerikës.
Ndër të tjera ai tha se Rama po e përdor për të fshehur disa të vërteta që vetëm ai i di.
‘Kryeministri gënjeu haptas dhe qartë publikisht duke shëpërdoruar në mënyrë të turpshme ShBA dhe emrin e tyre. Dhe shtrojmë këto pyetje të mëdha se ç’ detyrë ka Banka e Shqipërisë ? Të vlerësojë burimin e krijmit të kapitalit dhe strukturën e grupit. Këto janë detyrat që duhet të kryejë Banka e Shqipërisë. Po a i bën dot Banka e Shqipërisë në rast se aksionerët janë regjistruar në offshore. Këto parajsa fiskale lejojnë, regjistrimin e kompanive offshore, nuk japin inforamcione ose shkëmbejnë me vende të tjera, në rastin konkret Shqipërinë.
Çfarë arsye madhore, çfarë halli, problemi ka kryeministri që shfrytëzon Shtetet e Bashkuara të Amerikës duke pretenduar se kjo bankë monitorohet nga bankat në Shqipëri. Kjo bankë është në Shqipëri dhe përdoret nga kryeministri për të fshehur disa të vërteta që ai di dhe të tjerët dinë’, tha Vasili.