Presidenti i Republikës, Ilir Meta ka vendosur të dalë nga zyra e tij duke nisur një tur takimesh me qytetarët, një iniciativë e panjohur më parë nga një kryetar shteti. Ishte zëdhënësi i presidentit që zbuloi se takimi i parë do të bëhet në “Ditën e rinisë” në 8 Dhjetor në qytetin studenti.
Menjëherë pas kësaj thirrje, Lëvizja Socialiste për Integrim ka ndezur motorët duke u bërë thirrje të gjithë simpatizantëve të saj që të dalin më 8 dhjetor në këtë tubim të kreut të shtetit. Kujtojmë se para zgjedhjes si President, Ilir Meta ka qenë Kryetar i LSI që nga themelimi i kësaj force politike, ndërkohë që aktualisht e drejton bashkëshortja e tij Monika Kryemadhi. Mbetet për t’u parë reagimi edhe i PD, pasi gjithnjë e më shumë Ilir Meta po merr rolin drejtues në këtë nismë duke lënë në hije Bashën.
