Siç të gjithë e dimë tashmë, moderatorja Luana Vjollca është tepër e përkushtuar ndaj punës dhe e kalon pjesën më të madhe të kohës së saj në zyrë.
Momentalisht, ajo po merret me “Shiko Kush Luan”, emisionin që pati fillim të mbarë këtë sezon dhe është ndër programet e preferuara të publikut.
Duke qenë shumë kohë në zyrë, Luana s’ka kohë të shijojë sa duhet një përditshmëri normale në shtëpi, kafe, për shopping apo diçka tjetër.
Megjithatë, njerëzit që e duan mundohet t’i qëndrojnë gjithmonë pranë dhe në mos me praninë fizike, me gjestet e tyre.
Sot, moderatorja ka marrë dhuratën më të bukur në zyrë e cila sigurisht e ka lumturuar shumë.
Asaj i kanë dërguar një buqetë të madhe me trëndafila të kompozuar bukur, ndërsa kjo duket si një buqetë dashurie.
“Çfarë surprize në zyrë”- shkruan Luana, e cila kësaj here nuk e ka treguar dërguesin e dhuratës.
Mendja na shkoi menjëherë tek partneri i saj, Krenari, i cili me siguri duhet të fshihet pas kësaj surprize të bukur.
Dyshja po shijon prej kohësh lidhjen e dashurisë, e cila në një të ardhme do të kurorëzohet me martesë (private, siç e do Luana).