Analisti Fatos Lubonja ka deklaruar sot se Policia nuk ishte e përgatitur për një protestë të tij.
Duke folur në News 24 ai deklaroi se të dyja palët kanë favoret dhe dëmet e tyre nga protesta e ditës së sotme.
“Edhe nga televizioni e kam ndjekur edhe kam qenë para kryeministrisë. Pashë që ishte një protestë e madhe kishte njerëz shumë dhe kishte edhe dhunë siç thamë. Tani komentet e dhunës duhet apo jo dhuna është çështje tjetër”, tha Lubonja.
Sipas tij “Mendimi im është ky që dhunë atje do kishte, ishte përgatitur dhunë qoftë edhe psikologjikisht. Të dy kanë marrë dëmet dhe favoret e veta nga kjo dhunë. Po pa dyshim se aty nuk kishte një kordon policor të përgatitur për të mbajtur një masë të tillë njerëzore. Përgatitja me masa ishte se strategjia nuk ishte për të mbajtur një lloj kordoni. Problemi i madh i këtij kordoni ishte se efekti i tyre shkatërrues shkonte deri te Presidenca se ishte shumë gjë e rëndë”.