Pas pak minutash pritet te nisë takimi i dytë mes palës ukrainase dhe asaj ruse në lidhje me qetësimin e situatës së luftës. Ky takim mes dy delgacioneve do të mbahet sot në Bjellorusi, afër kufirit me Poloninë, sipas raportimit që bën “The Kyiv Indipendent”.
Ky është takimi i dytë mes Rusisë dhe Ukrainës të cilat vendosin të ulen në tryezë për të diskutuar pretendimet e tyre dhe për të shqyrtuar mundësitë për përfundimin e luftës. Takimi i parë u bë në ditën e pestë të sulmit rus në Ukrainë, por edhe pse bisedimet zgjatën për më shumë se tre orë, për fat të keq nuk u arrit një zgjidhje.
Pala ukrainase vuri si kusht për vazhdimin e bisedimeve, armëpushimin e menjëhershëm. Përfaqësuesit e Kievit po ashtu kërkuan edhe tërheqjen e trupave Ruse nga Ukraina.Pasi bisedimet kanë përfunduar përfaqësuesit e të dy vendeve janë kthyer në kryeqytetet e tyre për konsultime.
Dje u raportua gjithashtu se pritej një takim mes dy delegacioneve, por kjo nuk ndodhi.
Agjencia ndërkombëtare e lajmeve, “Reuters”, bëri publik një lajm të mërkurën ku thuhej se delegacioni rus ishte nisur drejt vendit ku pritet të mbahej takimi i dytë Ukrainë – Rusi. “Reuters” për këtë e kishte cituar agjencinë e lajmeve të Bjellorusisë, “Belta”. Për një takim të mundshëm dje kishte raportuar edhe mediumi britanik “The Guardian”.