Pas fitimit të titullit “Kampione e Europës, Luiza Gega është vlerësuar dhe nga Këshilli Bashkiak i Bulqizës.
Tirananews.al mëson se ditën e sotme, me konsensus të plotë i është dhënë titulli “Qytetare Nderi”, kampiones Luiza Gega.
Atletja shqiptare Luiza Gega u shpall kampione e Europës në garën e 3000 metrave me pengesa, në Mynih të Gjermanisë.
Ajo shënoi kohën 9’11”31, në një garë që e dominoi nga fillimi e deri në fund. Një rezultat i jashtëzakonshëm për Gegën dhe atletikën shqiptare, e cila ngjitet në majën e Europës.
Gega kurorëzoi kështu me një medalje të artë një sezon të jashtëzakonshëm, ku ka dominuar kudo që ka garuar.