Fituesi i “Big Brother Albania Vip 2″, Luiz Ejlli ka reaguar me një sërë deklaratash pas komentit të Ronaldo Sharkës në “Kepin e Vipave”, ku tha se duhej ta moderonte ai dhe jo Kiara Tito. Përmes një video story në Instagramin e tij, ai tha se donte të kishte qenë pranë Kiarës për ta mbështetur dhe se të gjithë do të merrnin “përgjigjet që meritojnë”.
“Unë kam qenë në xhirime dhe nuk kam arritur ta shoh Kiarën tek ‘Kepi i VIP-ave’. Po shikoja disa pjesë tani dhe më vjen keq për dy gjëra. E para që nuk kam patur mundësi të jem krah saj në Turqi dhe e dyta, pash disa momente që disa personazhe po bëshin si ‘koka shkencash’. Po të kisha qenë aty, do merrshin përgjigjet që meritojnë, por, siç e thotë shprehja: ‘Kur nuk janë barinjtë, ujqërit hedhin valle!’”, është shprehur Ejlli.
Po ashtu, në një tjetër reagim, Luizi i kujton Ronaldos lekët që i ka premtuar.“Edhe pse ti dhe ca të tjerë që zgjohen dhe flenë me emrin tim, meritojnë diçka tjetër sapo të mbaroj xhirimet, hajde merri ato 5000 eurot mqs do ngelesh pa punë”, shkroi Luizi.
Të dielën nisi “Kepi i Vipave”, një reality show, i cili ka bërë bashkë tetë personazhe VIP për të përjetuar një aventurë të nxehtë verore në praninë e njëri-tjetrit. E diela në ekranin e Top Channel premton të jetë e nxehtë dhe pikante me “Kepin e VIP”-së nën moderimin e Kiara Titos.
Më tej Luizi ka vijuar me komentet edhe në video të publikuara nga funpage-t e fansave të tij. “Nuk bëhen të gjitha punët me b*thë o butterfly. Jo gjithçka bëhet për follow, ka një limit”.