Lukaku driblon Juventusin dhe Interin, stërvitet te kjo skuadër

Romelu Lukaku është një nga emrat më të përfolur në këtë merkato, teksa shpesh është lidhur me një kalim tek Interi dhe së fundmi tek Juventusi. Sulmuesi belg nuk zhvilloi asnjë ndeshje me Manchester United gjatë gjithë verës dhe u stërvit larg pjesës tjetër të skuadrës. Futbollisti me të cilin do të dëshironte të luante? Ronaldo rrëfen disa të vërteta personale Sipas lajmeve të fundit, Lukaku po stërvitet me akademinë e Anderlehtit, për të mbajtur trupin e tij në formë. Në një foto të postuar nga gazetat belge, shihet 26-vjeçari teksa mban të veshur bluzën e ekipit belg, ku luajti për dy sezone në fillimet e karrierës së tij. U fol shumë se sulmuesi do të shkëmbehej me Dybalën dhe do të kalonte te Juventusi, por duket se sulmuesi argjentinas e ka refuzuar të transferohet tek United dhe marrëveshja mund të dështojë.