Milic Minja Shakoviç, pjesëtar i një klani të rrezikshëm mafioz në Mal të Zi, u ekzekutua me tre plumba.
Ai u qëllua në një kafene në Budva nga një person ende i paidentifikuar, i cili ishte ulur në tavolinën pranë tij.
Shakaviç ishte pjesëtar i klanit “Skaliari”, të cilët janë rivalë të përjetshëm të klanit tjetër mafioz, atij “Kavaç”. Lufta mes tyre ka sjellë dhjetëra të vdekur deri më tani duke vrarë njeri-tjetrin jo vetëm në Mal të Zi, por edhe në Evropë, përfshi Austrinë dhe Greqinë.
Mediat raportojnë se Milic Minja Sakoviç ka qenë shpesh në shënjestër të klanit rival gjatë viteve të fundit, duke iu mbijetuar atentateve vazhdimisht.
Ai arriti t’i shpëtonte një atentati më 8 shtator 2017, ku në drejtim të tij u qëllua me automatik me pesë plumba në kafenenë “Auto Zeta” në qendër të Podgoricës.