Lëkundje të forta tërmeti janë raportuar nga të gjitha mediat e rajonit. Pavarësisht se epiqendra ishte në Bosnje Hercegovinë, toka u drodh në Kosovë, Malin e Zi e Serbi.
Të paktën nga këto tre vendet, mediat kanë raportuar se nuk ka pasur dëme materiale apo në njerëz, por panik ka shkaktuar.
“Një tërmet më i fortë është ndjerë në Mal të Zi në orën 23:07. Vlerësimet e para të vendeve të specializuara thonë se tërmeti ishte rreth gjashtë ballë të shkallës Rihter. Epiqendra ishte 15 kilometra në verilindje të Stolacit (Bosnjë dhe Hercegovinë). Mediat kroate raportojnë se tërmeti është ndjerë edhe në Dalmaci,”- shkruhet në një prej artikujve.