Banorët e lagjes “Demokracia” në Mamurras kanë protestuar serish të enjten. Ata kanë shprehur shqetësimin e tyre pasi mjetet e tonazhit të lartë që kalojnë në rrugën e tyre jo vetëm e ka dëmtuar ato, por ka sjellë ndotje të ambjentit dhe mungesë sigurie rrugore.
Banorët kujtojnë se kanë protestuar edhe 2 herë të tjera, janë takuar edhe me kryetaren e bashkisë, por akoma nuk kanë gjetur zgjidhje.
Banorët thonë se nuk tërhiqen nga protesta e tyre deri sa të marrin zgjidhje për problemin që i shqetëson.