26-vjeçari nga Lushnja Rey Manaj, është një ndër shënuesit më të mirë në botë për muajin janar sipas renditjes së publikuar nga Federata Ndërkombëtare e Historisë dhe Statistikave në Futboll. Sulmuesi shqiptar realizoi 5 gola për Sivasspor në kampionatin turk.
Një rendiment që e bën atë pjesë të dhjetë më rezultativëve mes ligave të para. Manaj deri më tani ka shënuar 11 gola në Superligën e Turqisë, ndërsa rekordi personal i tij është me Bacelona B në sezonin 2020-2021 me 14 gola.
Klasifikimin e shënuesve më të mirë të janarit e udhëheq sulmuesi i Folgore në kampionatin e San Marinos, Samuel Pancotti, i cili është në kuotën 7. Menjëherë pas tij vijnë Dusan Vlahovic i Juventus dhe Cengiz Under i Fenerbahçe me nga me 6 gola secili.