Rei Manaj ishte i papërmbajtshëm në Kupën e Turqisë duke shënuar 3 gola për Sivasspor. Sulmuesi i Kombëtares ishte vendimtar në fitoren 4-0 me Artvin Hopaspor, duke siguruar kualifikimin në turin e katërt që në pjesën e parë.
Manaj realizoi në minutën e 6’, të 35’ dhe të 42’. Mbrojtja kundërshtare nuk arriti dot ta ndalte futbollistin shqiptar, i cili ka shënuar 5 gola në 4 ndeshjet e fundit përfshi kampionatin.
Armando Sadiku realizoi në Indi me Mohun Bagan. Goli i sulmuesit shqiptar nisi edhe përmbysjen e rezultatit në fitoren 3-2 në fushën e Jamshedpur. Ky ishte goli i parë për Sadikun në kampionatin Indian. Mohun Bagan kryeson renditjen me pikë të plota, 12 pas 4 javësh.