Ministrja e Shëndetësisë Ogerta Manastirliu tha se janë më shumë se 650 mjekë e infermierë të cilët janë vaksinuar deri më tani dhe nga sot nis marrja e dozës së dytë.
“Ashtu sikurse ju e keni parë janë më shumë se 650 mjekë e infermierë të vijës së parë që punojnë në spitalet COVID që janë vaksinuar deri tani dhe nga sot janë duke marrë dozën e dytë. Do të vijojmë me fushatën e vaksinimit. Arena Kombëtare është qendra e parë për vaksinimin e përqëndruar, po do shtrihemi në territor me qendra të tjera dhe me vaksinimin kapilar në strukturat e qendrave shëndetësor në momentin që do kemi sasitë e tjera”, tha Manastirliu.
Ajo tha se pas mjekëve vaksinimi do të vijojë në shtëpitë e të moshuarve sipas skenarit. “Fushata e vaksinimit vazhdon, pritet që fundjavën në vijm të kemi dhe dozat e tjera të Pfizer dhe më pas 30 mijë doza dhe kështu të vijojmë me fushatën e vaksinimit të rëndësishëm për ne. Ne kemi vijuar për të bërë gati të gjithë bazën logjistike dhe për të mundësuar trajnimin e personelit që do të kryejë vaksinën, tashmë kemi trajnuar jo vetëm vaksinatorët dhe mjekët që do ndjekin prcesin në Shkodër e Vlorë, po në të gjithë vendin”, tha ajo.
Përsa i përket mjekut infeksionit Pëllumb Pipero, i cili nuk mund të marrë dozën e dytë të vaksinimit në Air Albania ministrja tha se do të vendosin mjekët se si do të procedohet.