Në seancën e kësaj të enjte, në Kuvend u diskutua për projekt-ligjin me BE-në për tregtinë e lirë deri në vitin 2027. Deputeti i PS-së Pandeli Majko deklaroi se nuk e nderon Shqipërinë shtyrja e një nisme, që e kërkon Bashkimi Europian. Kurse nënkryetari i Rithemelimit Gazment Bardhi, tha se opozita kërkon garanci që fondet e BE-së nuk do të abuzohen.
Pandeli Majko: Kjo është një marrëvheshje me BE-në për tregun e përbashkët dhe nuk iu nderon fakti që kërkoni ta shtyni. Kjo nuk ju nderon, megjithatë është në tagrin tuaj.
Gazment Bardhi: Duam garanci që fondet nuk do të abuzohen. Ministrat duhet të jenë në seancë. Në çdo seancë që ne shqyrtojmë projekt-ligjet, ministrat nuk janë. Nuk duhet t’ju trajtojnë ju deputetëve si kartonë. Ne mbështesim marrëveshjen, por kemi pyetje që duam t’ja drejtojmë ministrit, që mos vidhen fondet.
Lindita Nikolla: U kuptua thelbi i kërkesës dhe do e shtyjmë votimin për tjetër herë. Vazhdojmë me pikën tjetër të rendit të ditës.