Sikurse edhe është vendosur më herët, në Bashkitë e Himarës, Dropullit dhe Finiqit koalicioni i Berishës dhe Metës nuk do të kenë kandidatë për zgjedhjet e 14 majit, kjo pasi ia kanë lënë zonë të lirë PBDNJ-së së Vangjel Dules.
Në këto tre bashki PBDNJ ka përcaktuar kandidatët.
Fredi Bejleri do të jetë kandidat në Bashkinë e Himarës, Thanas Maneka për Dropullit, ndërsa për Finiqin do të jetë kryebashkiaku aktual, Leonidha Kristo.
Kujtojmë se PD-ja e Berishës zhvilloi procesin e primareve në të gjithë vendin, më përjashtim të 4 bashkive, Himarë, Finiq, Dropull, e Pustec.