Një nga marrëveshjet e firmosura mes qeverive të Shqipërisë dhe Kosovës në mbledhjen e përbashkët që po mbahet në Prishtinë, është edhe ajo për arsimin, ku do të hiqen kufizimet për studentët e dy vendeve.
“Do nënshkruhet marrëveshja me ku do të hiqen kufizimet për studentët e dy vendeve, maturantët e Shqipërisë dhe Kosovës do të kenë të drejta të barabarta. Do të ofrohen kuota të vecanta për të rinjtë e Shqipërisë. Në frymën e procesit të Bolonjës do të punojmë për studentët që duan të kalojnë periudha më të shkurtra”,-tha ministri i Arsimit të Kosovës.
Ministrja e Arsimit, Evis Kushi, tha se për 3 ditë do të bëhet njohja e diplomave të shkollave të mesme për nxënësit e Kosovës që duan të vazhdojnë studimet e larta në Shqipëri.
“Sot u japim kushte të barabarta të rinjve nga Shqipëria e Kosova për të konkuruar njësoj. Do të lehtësojmë procedurat e njohjes së diplomave të shkollave të mesme, do të njihen për 3 ditë. Që vitin e ardhshëm, çdo i ri që ka një diplomë të arsimit të mesëm mund të konkurojë në Shqipëri apo në Kosovë në kushte të barabarta. Kjo vjen në bazë të njësimit të kurrikulës”.