51-vjeçari shqiptar që vrau me thikë pak ditë më parë bashkëshorten e tij në Zakinthos të Greqisë, i penduar për krimin, iu kërkoi falje fëmijëve, pa bërë komente të tjera.
Motivi për vrasjen ishte xhelozia që autori kishte ndaj të shoqes.
40-vjeçarja kishte shkuar në komisariatin lokal të Zakinthosit, ku kishte denoncuar për herë të dytë 51-vjeçarin për sjellje të dhunshme dhe abuzive.Pasi ajo u kthye në shtëpi, e në kohën kur autoritetet po kërkonin bashkëshortin e saj, ai e ka pritur në hyrje të banesës dhe e ka dhunuar.
Në tentativë për t’u arratisur, ajo vrapoi te shkallët e fqinjëve, por bashkëshorti arriti ta ndalte. Pasi e goditi disa herë me thikë në qafë, 40-vjeçarja mbeti e vdekur.