Këngëtares së njohur Aurela Gaçe i është përdorur emri për mashtrime në rrjete sociale. Me anë të një postimi në rrjete sociale ajo ka bërë të ditur se një person ka hapur një profil në “Facebook” me emrin e saj dhe në një postim ka shkruar se do të dhurojë 10 mijë euro për 2,500 njerëzit e parë që komentojnë fjalën “dashuri”.
Pasi ka marrë këtë lajmë Graçe ka shkruar, për t’i vënë në dijeni të gjithë fansat që të kenë kujdes dhe mos të japin të dhënat e tyre personale.
“Vëmendje miq! Dikush ka marrë videon time nga ‘Facebook#Fanpage’, ka hapur këtë faqe me emrin tim, Aurela Gaçe Live, është duke përdorur emrin tim, nuk e kuptoj pse. Ju lutem, mos u përgjigjni në mesazhet që ju dërgojnë. Faqja ime e vetme është e certifikuar. Ju lutem, mos u mashtroni. Dikush po bën një lojë me shumë emra të njohur. Mos hapni asnjë mesazh nga kjo faqe. Mos jepni të dhënat tuaja personale, bankare. Ju marrin ato të dhëna e ju vjedhin.
Raportojeni, raportojeni!”, shkroi këngëtarja.
