Ish-deputeti i Partisë Demokratike, Myslim Murrizi, me anë të një postimi në Facebook, ka shpërthyer me tone të ashpra ndaj Gazment Bardhit i cili e akuzoi se kur ishte deputet ka bashkuar votat me Edi Ramën.
Murrizi thotë se nuk ka votuar asnjë ligj të qeverisë, me përjashtim të atyre që ai i konsideron të rëndësishme, siç janë ndryshimet kushtetuese për listat e hapura.
Murrizi e quan Bardhin një mashtrues ordiner, që përfaqëson një grusht fundërrinash në politikë dhe në Partinë Demokratike.
Murrizi ka kërkuar transparencë, duke thënë se le të marrin të gjitha procesverbalet dhe të shikojnë si ai ka votuar gjatë kohës që ishte deputet në Parlamentin shqiptar.
“Nuk kam votuar as marrëveshjen tende te piste te 5 qershorit as kodin zgjedhor te Gjiknurit pas ndryshimeve Kushtetuese. Kam votuar ndryshimet Kushtetuese për lista të hapura me prag kombëtar 1 % e do ti votoja përsëri po të isha deputet, sepse jam kundër emërimit të deputetëve nga me nder kryetar e spurdhjak sekretar si soj yt. Jam krenar që fitova në Gjykatë Kushtetuese dhe rrëzova herësin e ndyrë të Gjiknurit të dakordësuar me Lulin dhe ju zj Garze që jo vetëm nuk i ankimuat në Gjykatë Kushtetuese por lobuat që të rrezonit kërkesën time”, ka shkruar ndër të tjera Murrizi.