Zgjedhësit e Bashkisë së Klosit në rrethin e Matit kanë deklaruar mbështetjen e tyre për kandidaten e Partisë Socialiste Aurora Mara.
E shoqëruar nga kryetarët e bashkive Mat e Klos, Agron Malaj e Ilmi Hoxha deputetja Mara u takua me pensionistë, gra, të rinj, biznesmenë dhe shtabin elektoral të PS-së në këtë bashki.
Deputetja Mara u shpreh se ishte e suprizuar nga mbështetja e zgjedhësve të kësaj bashki, me të cilët ka lidhje të forta prej shumë vitesh.
“Ka ardhur koha të mbështesim Partinë Socialiste dhe Kryeministrin Rama. Vitet e fundit vëmendja e qeverisë është kthyer në këtë rajon. Rruga e Arbërit, investimet në ujësjellësa, shkolla, rrugë, bujqësi, etj, faktojnë se jeta në këto zona është përmirësuar ndjeshëm. Klosi dhe fshatrat e kësaj bashkie janë tashmë lagje e Tiranës. Me siguri kjo do të sjellë zhvillim ekonomik dhe progres” u shpreh Mara në takimin e zhvilluar me biznesmenët e Klosit.
Kryetari i Bashkisë Mat Agron Malaj përmendi abuzimet e kryera në këtë bashki nga ish drejtuesit vendorë dhe ish deputetët e Partisë Demokratike, madje ai tregoi vjedhjet e fondeve publike. Malaj theksoi po ashtu se vendet e punës në administratë shiteshin pikërisht nga ata që prej 30 vitesh u kërkojnë votat.