Ndryshimet në qeveri janë miratuar pasditen e sotme në Kuvend. Emërimi i Belinda Ballukut si zv.kryeministre dhe Majlinda Dhukës si kryenegociatore janë miratuar me 76 vota pro dhe 32 kundër.
Propozimet e Ramës për shkarkimin nga detyra e zv/Kryeministrit Arben Ahmetaj dhe emërimin ministres së Infrastrukturës dhe Energjisë Belinda Balluku në këtë detyrë, si dhe emërimi i Majlinda Dhukës si ministre shteti për Integrimin, që njëherazi do të jetë dhe kryenegociatore e Shqipërisë gjatë procesit të anëtarësimit në BE, mbërritën në zyrën e Begaj një ditë pasi ai mori detyrën, i cili një ditë më vonë nënshkroi dekretete e propozuara nga Rama.
Rama i argumentoi këto ndryshime me faktin se procesi i rindërtimit u mbyll dhe fokusi do të jetë tek energjia dhe integrimi.