Ndonëse niveli i borës ka arritur mbi 70 cm në qarkun e Dibrës, furnizimi me energji vijon normalisht.
Pavarësisht kushteve tepër të vështira atmosferike, punonjësit e Drejtorisë Rajonale të OSHEE-së në këtë qark janë në terren për eliminimin e çdo defekti.
Sikurse shihni edhe nga fotot e siguruara nga Tirananews.al, e Elektricistët e Matit, Dibrës, Bulqizës, Mirditës e Kurbinit po punojnë për të eliminuar avaritë kudo që ato shfaqen.
Të gjithë punonjësit e Njësisë Dibër janë në terren në zona të ndryshme për të garantuar furnizimin me energji elektrike pa ndërprerje gjer në zonat më të largëta.
