Më datë 22 maj 2022 pritet që të mbahen zgjedhjet për kreun e ri të Partisë Demokratike, ku në garë janë zyrtarizuar përfundimisht vetëm dy emra. Sali Berisha i cili është favorit për triumfin në këtë garë do të ketë përballë Ibsen Elezin në garën për kreun e ri të PD-së.
Komisioni i Organizimit dhe Kontrollit të Operacioneve Elektorale njofton se në përfundim të afatit të paraqitjes së kandidaturave për kryetar të PDSH, kanë shprehur interesim për këtë garë, konform Vendimit Nr. 12 dt 03.05.2022:
1. Z. Sali Berisha
2. Z. Ibsen Elezi
Mbledhja e ardhshme e Komisionit do të mbahet ditën e martë ora 11.00.