Ekipi nga Ishujt Faroe, Klaksvik fitoi 2-1 kundër Molde, në ndeshjen e parë të turit të tretë kualifikues për Champions League. Ekipi është duke mrekulluar këtë sezon, teksa pasi kaloi gjigantët ballkanas të Ferencvaros, po sheh drejt grupeve të kompeticionit më të fortë në Evropë.
Me 5 mijë banorë, 4584 nga të cilët ishin në stadium për të parë ndeshjen, Klaksvik është kthyer në një histori frymëzimi për këdo që shpreson t’ia dalë me punë dhe sakrifica.
Lojtarët e Klaksvik janë gjysmë-amatorë dhe me gjasë mëngjesin e sotëm e kanë nisur me punë si elektriçist, bankier, zjarrfikës apo banakier. Dikë mund edhe ta ketë zgjuar nga gjumi nevoja për t’u kujdesuar për kafshët e fermës, ndërsa bëhen gati për ndeshjen e kthimit në Norvegji, ku kërkojnë t’i thonë botës se ata janë aty.
