Me flakadanë dhe këngë patriotike, tifozët drejt stadiumit

Tifozët kuqezi kanë nisur marshimin drejt stadiumit “Air Albania”, aty ku do të luhet sfida me Ukrainën, e vlefshme për Ligën e Kombeve. Spektakli i tifozëve kuqezi nuk ka munguar as këtë herë, ashtu siç ka ndodhur edhe në ndeshjet e kaluar. Me flakadanë dhe këngë patriotike për Kombëtaren, tifozët kanë nisur marshimin e tyre drejt stadiumit. Ashtu si në rrugët e kryeqytetit, edhe në stadiumin “Air Albania” pritet spektakël nga tifozët, të cilët do të jenë të shumtë në numër.